نصفي المخ : اشمعنا ؟! وليه ؟! وايه السبب ؟! وايه اللى هيحصل (كيفي يعمل المخ)

" اشمعنا ؟! وليه ؟! وايه السبب ؟! وايه اللى هيحصل " 

🔎
هما اكتر أسألة بيسألها أى حد لما يحب يشوف اللى ورا ستارة تفكيره اللى وصله لحيطة سد لما كان اعد لوحده بيفكر بس مش بيفكر فى همومه ومشاكله زى غالبية الناس وده للأسف اللى مخلى تفكيرنا محدود !! خلوا بالكم ممكن يكون تفكيرنا محدود بسببنا احنا لكن ربنا مدينا قدرات تفكير غير محدودة ... 

🎩

عقلك اللى بيتكون من فصين .. واحد منهم فى النص اليمييين فى الدماغ وده بقى واخد شهادة الكتوراه فى انه يعمل حاجة واحدة بس اسمها " الإبداع Creativity "

أما النص الشماااال يا جميل فده الدكتوراه بتاعته فى حاجة اسمها " التحليل Analysation " ..  حاجة حاجة بقى 😎

😎

ايه بقى حكاية الفص اليمين والفص الشمال وكمان ما يسمى بالعقل التحليلى والعقل العاطفى 🌟🌟شوف يا سيدى ويا ستى 😃 :

اقرأ إن شئت كلام ربنا سبحانه وتعالى فى سورة الأحزاب " ما جعل الله لرجل من قلبين فى جوفه ... " ركزت ؟!!! لا ركز بس عشان خاطرى 😉 ايوا عاش كده ..

لو كان تركيزك فى الآية ديه خلاك تفهم ان استحالة ومن رابع المستحيلات إن حد يفكر فى حاجتين فى نفس اللحظة وان مينفعش يحس باحساسين فى نفس اللحظة

استحالة استحالة استحالة وافضل اكتب كده لحد ما قلمك يخلص 😄 يبقى كويس تركيزك جاب نتيجة 👍👍ومن هنا مينفعش فصين المخ يشتغلوا فى نفس اللحظة

يعنى من الآخر كده ومن غير لف ودوران اثباتا للكلام ده لو حاولت ترسم بايديك اليمين دايرة وبايديك الشمال مربع هتلاقى نفسك بترسم حاجة منهم بايديك الاتنين ده

الطبيعى انه يحصل ولو شفتو فى اى قدرات خارقة بتعرف تعمل حاجتين فى نفس اللحظة اعرفوا ان ليها سبب علمى بحت والآية ديه برده هتنطبق عليه 

😉

بمنتهى التبسيط 📣 عربية هتخبطك !! كلب جرى وراك فجأة !! حرامى ثبتك !! وقعت من عالسلم  فجأة !! اتكعبلت فى حجر !! متوتر !! ده اسمه العقل العاطفى مفيهوش أى معلومات على الإطلاق ده متبرمج على حاجة من الاتنين Fight Or Flight يا تهجم يا تهرب بلغة أهل التنمية البشرية والسيكولوجى .. عشان كده لو حد دخل الامتحان وهو فى حالة العقل العاطفى نشط فيه مبيبقاش فاكر اللى ذاكره خااالص رغم انه مذاكر كويس بس التوتر خلى العقل العاطفى يتأكتفييت وده مفيهوش غير الامرين اللى فوق دول وجسمك بينفذهم وخلاص !! 

👌

طيب افرض قدامك مسألة رياضة !! اختيارين تختار منهم !! مشكلة قابلتك !! اقتراحات !! كلام هتقوله فى بريزنتيشن !! هترسم أو هتصمم !! كل ده وقيس عليه بيندرج تحت مفهوم العقل التحليلى اللى فيه الRam بتاعتك يعنى المعلومات اللى متخزنة فى الذاكرتين قصيرة وطويلة المدى 😄😄 وده ساعات يبقى تبع فص الابداع وشوية تبع فص المنطق أو التحليل 

😆

ايه بقى الغرض من ده كله ؟!! اننا دخلنا المدارس واحنا صغيرين عشان نتعلم بس للأسف معلموناش ازاى نتعلم معلموناش ازاى نتحكم فى أفكارنا ازاى نشغل فصين الدماغ بالشكل اللى يخلينا نعمل اى حاجة بس تكون مؤمن بقدرة عقلك .. عقلك خارق أكتر من مما تصورت ولو فى يوم حد قال على نفسه انه غبى لازم يعرف انه ذكى لأن الذكى هو اللى بيدرك انه مش عارف أما الغبى هو اللى بيبقى فاكر نفسه صح رغم انه مش بيطلع نتايج👌 احفظوا ديه " العجز عن الإدراك إدراك " 

👑

طول ما انت مش بتعدى من غير ما تقول ليه واشمعنا وعشان ايه وايه اللى هيحصل عمرك ما هيبقى فى ملعب حياتك نقطة ضعف لا فى تفكيرك ولا فى قدراتك الذهنية .. الغباء هو انك تقنع نفسك بانك غبى ..  بريمو هندسة

تعديل المقال