لو قلتلكوا ان مفيش حاجة اسمها " لون أحمر " اكيد هتعملولى بلوك
😄 ؟! استنى بس
👌 ما هو كل حاجة عايز شوية تأمل سيبلى دماغك شوية ..
source |
بما ان كل حاجة نسبية يعنى مفيش حاجة اسمها " حدث مطلق " .. فالمكان نسبى والزمان نسبى و الواقع نسبى والرأى نسبى والأخلاق
نسبية وكل المقادير فى الحياة نسبية فمثلا لما تقول .. أنا طويل .. لا الناس بتفهمها انك طويل نسبة للناس اللى طولهم متوسط .. ولما
تقول انا قوى فمعناها انا قوى بالنسبة لعامة الناس يعنى باروح الجيم مثلا وبالعب سكواد وكده .. لكن مش قوى بالنسبة للاسد .. فلما
اقول احنا الساعة دلوقتى 8.00 مساء .. فلازم تفهموا انى باقول التوقيت نسبة للمكان اللى انا فيه دلوقتى .. فكل حاجة فى حياتنا
نسبية مفيش حاجة اسمها مطلقة لأن اللى ليه مطلق القدرة هو ربنا سبحانه وتعالى .. ![](https://www.facebook.com/images/emoji.php/v9/f51/1/16/1f449.png)
👉
معلش اعتذر عالمقدمة المملة الطويلة ديه .. دلوقتى مين قال لك ان لو التفاح أحمر ليه ميكونش ازرق ![](https://www.facebook.com/images/emoji.php/v9/fd2/1/16/1f604.png)
😄
انت اللى واصلك لقرنية عينك هو اللون الأحمر لان قرنية عينك اللى سمك الحدقة السودا بتاعتها ديه 2 مللى ديه ده غير طبعا ان الحدقة
الصغيييرة اوووى ديه بيحصل فيها حيود للضوء اللى الداخل اللى هو اصلا منعكس من على جسم التفاحة أصلا يعنى كمان الضوء اللى
اتعكس ده طبيعته بتتغير نتيجة الحيود يعنى انحرافه نتيجة مروره من فتحة ضيقة جدا للى ميعرفش ظاهرة الحيود
😃 تمام كده ..
تقدر تقوللى بقى يعنى ايه انك تجزم ان لون التفاحة احمر مع ان الكلب بيشوفها رمادية مثلا .. (( دراسات تشريح القرنية .. )) .. ما هو انت بتشوف اللون حسب تكوين عدسة عينك اللى بيمر الضوء من خلالها لكن مخلوق غيرك بيشوفها بلون تانى .. انت بقى مين قال لك ان اللون الحقيقى للتفاحة ديه هو احمر
😉 امممممممم قربت توصل صح .. تبعا لنسبية الظواهر والقدرات .. استحالة تقدر تعرف ايه اللون الحقيقى لأى حاجة كل ده نسبى يعنى بالنسبالك انت كانسان فهمت بقى .. يعنى ايوا انا حر اختار لون القلب انه Cyan مثلا بما ان ده لونى المفضل
💙 واقول لمراتى ساعتها انا شايف ان لون القلب الحقيقى ازرق وهيا تقول magenta
😂 ونعد بقى طول حياتنا نتخانق بسبب مين صح ومين غلط .. المهم يا رب تكون الفكرة وصلت وتقدروا من خلال فكرة نسبية الظواهر ديه تفكروا فى كل حاجة حواليكوا حتى العطور وطعم الأكل و ملمس الشىء
😄
😄 والله تعالى أعلى وأعلم ..
![](https://www.facebook.com/images/emoji.php/v9/f57/1/16/1f609.png)
![](https://www.facebook.com/images/emoji.php/v9/f6c/1/16/1f499.png)
![](https://www.facebook.com/images/emoji.php/v9/fd0/1/16/1f602.png)
![](https://www.facebook.com/images/emoji.php/v9/fd2/1/16/1f604.png)
![](https://www.facebook.com/images/emoji.php/v9/fd2/1/16/1f604.png)
![](https://www.facebook.com/images/emoji.php/v9/ffc/1/16/1f44d.png)