 |
| minibus :pixapay |
في الميكروباص ,ناس سعيده وبتضحك وشباب بتهزر وطلبه بتزاكر واشخاص نايمه وطفل بيتفرج من الشباك ومراءة عجوزة تايهه ومش فاكرة العنوان وشاب بيتكلم مع خطيبته واتنين تانين عاملين نفسهم محللين استراتيجين وبينقدوا حاجات وبيعدلوا علي اي مشاريع بتتعمل ومش عاجبهم الاوضاع في البلد برغم انهم من كلامهم لا يفقهوا شيئا وسائق زهقان ملئ الغضب صدره وكل شوية شتيمة لأي سواق يقفل عليه الطريق او في تعامله مع الركاب وكأنه رئيس جمهورية الميكروباص ويجب علي الجميع التفاعل مع ما يقوله ، مسلسل بيتكرر يوميا بأشكال مختلفة.
وجودك في الميكروباص ده لسبب هل جربت تجلس في الميكروباص وتتآمل اوضاع الناس الي حواليك وتشوف ملامح كل واحد فيهم،وهل كل واحد فيهم سعيد ولا حزين ولا ايه دنيته .
جربت تجلس جنب سواق وتدردش في الكلام والكلام جاب كلام ، ولا قعدت في مره جنب حد وطول الطريق عمال يسألك ومبهور بيك او بحاجه معاك.
اغلب الناس الي بتسافر مسافات طويلة سواء شغل او دراسه او فسح وزيارات بيكونوا نوعين فيه الي بيكون زهقان ومتضايق انه راكب مواصلات ويقول الجو حر والمواصلات بهدله وفلوس علي الفاضي وطول الوقت يشتكي وفيه النوع التاني الي بيكون الميكروباص بالنسباله وكأنه مغامره كبيرة ويفضل سعيد طول الطريق انه سافر اماكن جديدة وعرف حاجات مكنش يعرفها ومستمتع بتأمل كل الي حواليه ، طبعا هتكون متفاجئ لو عرفت انه فيه ناس الحاجه الوحيده الي ممكن تسعدهم او تغير مزاجهم وقت ميكونوا متضايقين انهم يركبوا الميكروباص ويستمتعوا بالجو الجميل وبالهواء النسيم وفي لحظ تنسي هموم الدنيا ،الناس دي بسيطه اوي.
حياتك عامله زي الميكروباص ممكن تركب ميكروباص بيعدي علي شركة فطبعا كل الي في الميكروباص ناس محترمه ولبسه بدل شيق وملامهم منظم واخر حلاوة ، وممكن تركب ميكروباص لحي فقيراو منطقية شعبية فكل واحده جالسه هتحكي للي تعرفها وتسمع كلام اول مرة تسمع بيه
ليه متعملش التحدي ده وقت متحس بالملل او الفراغ تركب اتوبيس النقل العام من اول محطة وتستمع بكل المناظر الي حواليك ، لو انت راكب الاتوبيس من مدينة بدر للعتبه بتمر بمناطق غير لما تكون راكب اتوبيس طنطا ورايح موقف السلام الجديد وطول الطريق زروع ونباتات وخضرة ونسيم ومناظر جميلة غير اما تكون راكب ومسافر للاقصر او قنا كل بلد فيها الميكروباص بيختلف عن التاني وطبعا بيختلف معاها حكاوي الميكروباص والناس والثقافة