اولا :المهندس عمره ما كان شخص بيحفظ الشغل
والا كدة كنا جبنا واحد نحفظه و يشتغل لان الموضوع ده بيؤدي الى كوارث فنية و معتقدات خاطئة عند المهندسين و على سبيل المثال:
اي محرك قدرته اعلى من وليكن ١٠ كيلو وات لازم وسيئلة بدء حركة
الكلام ده عاري تماما من الصحة تمام و لا 10و لا 100و لاحتى 1000 انا و اقسم بالله قابلني مواتير 5000كيلو و 3200 و ده على الجهد المتوسط و مواتير 224كيلو على المنخفض و متوصلة DOL
امال ليه الناس بتقول كدة ؟
عشان هو المكان الي شغال فيه او مورد المعلومة كان شغال في مكان المصدر بتاعه ضعيف فاي موتور قدرته بالنسبة للمصدر الي عنده عالية طبعا عاوز وسيلة بدء حتى لو كان تكييف اتنين و ربع حصان
حاجة تانية سؤال مشهور جدا ليه مش بنستعمل induction machine كمولد رغم مميزاتها الكتير جدا و بنستعملها في تطبيقات محدودة زي مولدات الرياح
معظم الناس عندها معتقد ان ده عشان السرعة مش ثابتة في الالة الحثية
وللاسف ده كلام مش سليم لان الالة الحثية سرعتها ثابته سواء محرك او مواد الدليل انك بتجيب مغير سرعة عشان تتحكم فيها
و جرب تربط مولد حثي على الشبكة هتلاقيه بيدور بسرعة ثابتة اكبر من سرعة التزامن بفرق الslip و بيطلع 50هرتز و زي الفل
امال ايه المشكلة ؟ المشكلة انه بيحتاج قدرة غير فعالة و دي مقدور عليها لو على اد مولد رياح بمكثفات او وسائل اخرى
انما مولد محطة و ليكن 250ميجا المفروض هو الي يجبلك قدرة غير فعالة عشان تغذي الشبكة مش انت الي تجيبله عشان كدة بنستعمل مولد التزامن رغم كل عيوبه
و حاجات تانية كتير جدا مغلوطة زي مثلا ان كابلات المتوسط الومنيوم او لونها على طول احمر و حاجات كتير لا يسع الوقت لذكرها
عشان كدة لازم الناس تفكر في المعلومة و تفهما و تعرف مصدرها
ثانيا : قبل ما حد يرد على سؤال علمي على اي جروب
نرجو عدم التسرع بجد في اجابات كارثية و لا و بيصمم على رايه كمان دور مرة و اتنين و ادخل على النت و شوف و اسال ناس خبرة و اتاكد من معلومتك صدقني لما تكبر و تقول معلومات غلط و انت المفروض خبرة هيبقها شكلها وحش
اسف على الاطالة و ربنا يوفق الجميع (وياريت لو عندي معلومات خاطئة الناس تصححها بس على علم )