 |
| autocad panel board load schedule |
جدول الاحمال الكهربية Electrical load schedule
دا عبارة عن جدول بيتعمل للوحات الفرعية الي بتغذي الاحمال علي طول زي الانارة والبور والسخانات ووحدات التكييف عشان يوضح تفاصيل اللوحة الفرعية ومن اهم خطوات عمل المشروع فلا يخلو مشروع ديستربيوشن منهمكونات جدول الاحمال الكهربية Panel Board load schedule
مكونات تكتب في عنوان جدول الاحمال
1- اسم اللوحة وعادة بيكون 3 حروف وجنبهم رقم مثلا LPG-1
- اول حرف دا بيعبر عن نوع الاحمال في اللوحة يعني L من LIGHT لو هتغذي وحدات انارة او P من POWER لو هتغذي البرايز وممكن AC لو هتغذي وحدات تكييف اسبليت او وحدات VAV مثلا .
- الحرف التاني عادة بيكون P من PANEL او بيكون DB من DISTRIBUTION BOARD
- الحرف التالت دا بيكون حسب مكان اللوحة يعني G من GROUND او F من FIRST او S من SECOND
- والرقم بيكون علي حسب عدد اللوحات من نفس النوع في الدور الواحد لكن في اماكن متفرقة
2- بتكتب مكان اللو حة المبني والدور ولو الدور متقسم هتكتب الجزء
3- نوع التغذية للوحة سواء فاز واحد او 3 فاز
4- نوع الجهد المغذي للوحة 220 او 380 او غير كده حسب جهد التغذية عندك
5- عدد الخطوط في اللوحة عادة اللوحات الفرعية بتكون جاهزة التصنيع علي حسب كل شركة من 6 خطوط الي 48 خط
6- نوع التردد الي هتشتغل عليه اللوحة
7- نوع القاطع الرئيسي والسعة بتاعته
8- نوع ومقاس الكبل الرئيسي المغذي للوحة
9- درجة الحماية المطلوبة للوحة ومكان تركيبها داخلية او خارجية
10- نوع تركيب اللوحة علي الحائط سواء FLUSH OR SURFACE MOUNTED
11- اماكن دخول الكابلات سواء من فوق او من تحت ولكن عادة اللوحات الجاهزة بيكون القاطع الرئيسي في الاسفل
12- تحديد اللوحة الرئيسية المغذية للوحة الفرعية
4- نوع الجهد المغذي للوحة 220 او 380 او غير كده حسب جهد التغذية عندك
5- عدد الخطوط في اللوحة عادة اللوحات الفرعية بتكون جاهزة التصنيع علي حسب كل شركة من 6 خطوط الي 48 خط
6- نوع التردد الي هتشتغل عليه اللوحة
7- نوع القاطع الرئيسي والسعة بتاعته
8- نوع ومقاس الكبل الرئيسي المغذي للوحة
9- درجة الحماية المطلوبة للوحة ومكان تركيبها داخلية او خارجية
10- نوع تركيب اللوحة علي الحائط سواء FLUSH OR SURFACE MOUNTED
11- اماكن دخول الكابلات سواء من فوق او من تحت ولكن عادة اللوحات الجاهزة بيكون القاطع الرئيسي في الاسفل
12- تحديد اللوحة الرئيسية المغذية للوحة الفرعية
مكونات تكتب في جدول الاحمال نفسه
 |
| Excel panel board load schedule |
زي أي جدول عبارة عن صفوف واعمدة لكن بيترتب عشان بيكون ليه نفس شكل اللوحة من جوا والتوصيل جواها ،الصفوف بتعبر عن اللنيات وعشان ناس كتير بتتلخبط في مسمي اللنية
اللنية هي الفازة يعني الفازة 1 ال هي RED اسمها لنية والفازة 2 الي هي YELLOW اسمها لنية بردو والفازة 3 الي هي BLUE اسمها لنية
الجدول متقسم لنصين بالطول ودا عشان اللوحة بيكون فيها قاطع رئيسي طالع منه 3 بارات نحاس بتوزع لقواطع فرعية علي يمين وشمال القاطع الرئيسي يعني كل قاطعين فرعين قصاد بعضهم علي صف واحد بيتغذوا من نفس الفازة
- أول عمود من شمال الجدول دا بيعبر عن رقم اللنية او الخط في اللوحة نفسها بيبدأ من 1 الي نهاية اللوحة سواء 36 او 42 او 48 وكده ولكن بياخد الارقام الفردية فقط.
- أول عمود من يمين الجدول دا بيعبر عن رقم اللنية او الخط في اللوحة نفسها بيبدأ من 2 الي نهاية اللوحة سواء 36 او 42 او 48 وكده ولكن بياخد الارقام الزوجية فقط.
- تاني عمود من يمين الجدول او من شماله دا بيعبر عن قيمة الحمل نفسه سواء بالوات او بالفولت امبير علي الفازة 1 الحمراء
- تالت عمود من يمين الجدول او من شماله دا بيعبر عن قيمة الحمل نفسه سواء بالوات او بالفولت امبير علي الفازة 2 الصفراء
- رابع عمود من يمين الجدول او من شماله دا بيعبر عن قيمة الحمل نفسه سواء بالوات او بالفولت امبير علي الفازة 3 الزرقاء
- - خامس عمود من يمين او شمال بيعبر عن نوع الحمل سواء كشافات انارة وغيرها وسعات بيتم تحديد نوع الكشافات نفسها وعددها كمان
- سادس عمود من يمين او شمال بيعبر عن مقاس سلك اللنية الي هيغذي الحمل نفسه
- سابع عمود من يمين او شمال بيعبر عن مقاس القاطع الفرعي وسعته
- الجزء الي في نص الجدول دا بيعبر عن شكل البارات والربط بينها وبين القاطع الرئيسي والقواطع الفرعية
في نهاية الجدول
بتحسب الحمل الكلي للوحة وهتكتب البور فاكتور الي عندك وهتكتب معامل الطلب الي هتشتغل عليه وهتحسب الحمل بناء علي معامل الطلب وهتحدد انت واخد احتياطي قد ايه في اللوحة عندك
تنويهات بسيطة
- جدول الاحمال بيتعمل للوحات الفرعية- اللوحات الرئيسية بيتعملها مخطط احادي SLD
- ترتيب الصفوف ممكن يختلف علي حسب المصمم لكن محتويات الجدول الي فوق واحدة
- ترقيم اللنيات والخطوط ممكن يختلف لكن الطريق الي فوق دي افضلهم عشان الصيانة
- لازم تعمل اتزان في توزيع الفازات بحيث ان يكون الثلاثة فازة متحملين زي بعض عشان تقدر تختار القاطع الرئيسي وكبل التغذية مظبوط
- اSPAREمعناه ان فيه قاطع لكن مش متوصل عليه حمل
- اSPACE معناه ان فيه مكان في اللوحة فاضي ممكن تركب عليه قاطع
- لو عندك حمل 3 فاز بتقسمه علي 3 وبتكتب كل تلت علي فازة
- سعات الجدول بيتعمل علي الكاد وسعات علي الاكسيل وان كان الافضل لسهولة التعامل والتوزيع انه يتعمل علي الاكسيل
وبتختار جدول الاحمال كام lineعلي حسب عندك كام لنية وفية standerd لجدول الاحمال فيه جدول 18 لنية وجدول 24 لنية وجدول 48 لنية
 |
| panel board 18 line |
 |
| panel board 24 line |
 |
| panel board 48 line |
ولو فيه بشمهندس محتاج جداول الاحمال الكهربية للوحات اتوكاد او اكسيل يتواصل معايا علي البيدج وانا هرسل لحضرتك الملفات
Moataz Elpahtety
- مشروع توزيع كهربي مدرسة كامل
- مشروع توزيع كهربي مستشفي
- مشروع توزيع كهرباء مدينة سكنية
- اكبرمكتبة مشاريع تخرج هندسة كهربائية جاهزة
- جميع اوامر الاتوكاد الكهربي
- كورس ديستربيوشن وتيار خفيف كامل
- افكار مشاريع تخرج هندسة قوى كهربائية للطلبة والمهندسين
- 14 كتاب من مشاريع التخرج DISTRIBUTION بصيغة الــWORD
- هل الكود المصري بيحدد قيمة ومكان تطبيق الDiversity Factor
- اسئلة مناقشة مشروع ديستربيوشن بالاتوكاد لطلبة كليات هندسة كهرباء باور
- شرح جدول الاحمال الكهربية للوحات الفرعية بالتفصيل Panel board load schedule