ثانيا شوية نصايح للمشروع أتمني تفيدكم إن شاء الله
1- أول و أهم حاجة النية و الهدف خلوا نيتكم لله و أنكم فعلا عاوزين تتعلموا و تعملوا حاجة هتفرق كتير إن شاء الله و ده بجد أخر فرصة أنكم تطوروا من نفسكم و مفيش حد في شغل هيفضل يساعدكم كتير بعد التخرج هتكون لفتره و بعد كده هتكون انت مسؤل عن نفسك
2- حاولوا و انتو بتختاروا تيماتكم تراعوا كام حاجه انو الناس تكون قريبه من بعض في السكن علشان سرعه التواصل و يكون عندهم نفس الفكر عاوزين ينفذوه و متفقين في الاماكن اللي ممكن ينزلوا يشتغلوا فيها و بلاش اشخاص ليها خلافات مع بعض ده هيوقع المشروع و بلاش مثلا تدخل distributionو انت حابب تشتغل control كل ده هيأثر بالسالب علي ادائك في المشروع لو مش حابب تشتغل في الجزء ده
3- علشان تستفيدوا بجد لازم تقسموا الادوار من الاول و كل واحد يكون مسؤل عن جزء كامل و ده بناء علي المشروع انتو تقدروا تقسموها
4- خلوا واحد منكم يكون المنبه يفكركم بال deadline و لو في تاسك متاخر عليكم يقولكم
5- كل واحد يعمل ريبورت بكل حاجه عملها علي مدار الاسبوع و يعرضه علي باقي الناس في المشروع و يحطلهم ال resources اللي قراء منها بحيث يقدروا يرجعولها يمكن لما كذا شخص يرجعلها تكتشفوا خطاء في معلومة كانت عندكم و لو حد لا قدر الله الداتا بتعته اتمسحت يكون ليها backup مع الباقي
6- مهم جدا يكون ليكم يوم بتتجمعوا فيه و تتكلموا كل واحد وصل لايه و فاضل ايه لو مثلا انتو 12 يبقي 6 هيتكلموا الاسبوع ده و 6 الاسبوع الجاي و هكذا
7- لو حد مش هيعمل تاسك عليه يكون فعلا لظرف قهري مش متواكل و ده المعتاد انو يخلي حد يعمل تسكات و مطنش للمشروع طول الوقت
8- الدكتور و المعيد مهما ساعدوكم انتو بردو الاساس فاسلوا كتير علشان تتعلموا بجد
9- هيضيف ليكم جدا لو قدرتوا تتفقوا مع شركة في المجال اللي هتعملوا فيه المشروع يكونوا spounser ليكم يساعدوكم في الجزء التقني و يدربوكم ده بيحصل ازي في سوق العمل
10- اتفقوا انو واحد منكم هو اللي يتناقش مع الدكتور و يكون بعلمكم كلكم و تكونوا مجهزين ايه هيتقال و بلاش حد يحاول يعلي علي حد و تفضلوا كل واحد يروح للدكتور علي حدي و يتكلم في نفس الموضوع ده هيعطي انطباع انكم علي خلاف
11- من بدايه الترم التاني ابداءو لو في جزء عملي هيتنفذ تنفذوه و يحبذ تكونوا مخططين ليه هيتعمل ازي في الترم الاول
12- مع بدايه الترم التاني كل واحد ياخد جزء في الكتاب و يخلصه علشان الفتره اللي قبل المناقشه تكون للتعديلات و لو هنزود مش لسه بنبداء من البدايه و اسالوا الدكتور علي كل جزء انجزتوه علشان لو في كومنتات نخلصها اول باول
13- اعملوا برزنتيشن كتير بينكم و بين بعض و حاولوا تشروحوا لناس صغيره في ابتدائي حتي او ناس مش من مجالنا لو عرفتوا توصلولهم المعلومه يبقي انتو فعلا فاهمينها اعلموا بروفه قدام دكتوركم و المعيدين كذا مره علشان تاخدوا ملاحظاتهم و تتفادوا الاغلاط
14- خدوا اجازه نص السنة و اتفسحوا علي الاقل اسبوع منها و الاسبوع التاني لو وراكم حاجات كتير عاوزه تخلص اشتغلوا لو لا يبقي عادي كملوا اجازتكم
15 - كل فتره مهم تصفوا نفوسكم و تاخدوا فيد باك من بعض علشان لو الغلط بيتكرار كتير هتشيلو من بعض و اهم حاجه الروح تفضل حلوه و نفضل صحاب
16- المشروع ممكن يكون احلي ايام و ذكري حلوه للكل و متوقف عليكم ده
17- مش معني اننا اصدقاء و مع بعض في المشروع انك تستغلني لا متخلوش حد يستغلكم مهما كانت غلاوته عندكم
18- اعملوا جوجل درايف للمشروع تحطوا عليه كل الداتا بتاعتكم
19- اعملوا جروب واتس ليكم كلكم و جروب فيس بوك و لو في subteams اتواصلوا جروبات شات ماسنجر او واتس اللي بترتاحوا معاه
20- محدش يبخل علي حد بمعلومه و لا مساعده كله في ميزانكم إن شاء الله و مش المعلومة دي اللي هتخلي حد ياخد رزقك
21- يفضل يكون في team lead و يكون الاكثر علما بمعظم اجزاء المشروع علشان يرشدكم و ينظمكم و انكم تتقسموا الي sub team من تحت و لكل sub team يكون ليها lead لو انتوا مثلا 12 قسموها علي 4 أو 3 sub team و كل team يكون ليه مهامات واضحه مطلوب،منهم ينجزوها سواء للبحث او الشغل العملي او الكتاب او البرزنتيشن
22- و اخيرا اتمني الحاجات دي تفيدكم اشنايدر و مدكور و 3brothers بتقدم sponsor و كذا شركة دوروا عليهم و لو سولار ممكن تتواصلوا مع شركات زي سولاريكا او مشرق و تنزلوا معاهم تركيبات محطات
نصائح لمهندسين كهربا باور في العمل (المهندس عمره ما كان شخص بيحفظ الشغل)