هل الكود المصري بيحدد قيمة ومكان تطبيق ال‏Diversity Factor ‎ في المشاريع

 الكود المصري مبيحددش قيمة ولا مكان تطبيق ال Diversity Factor ... طب نعمل ايه لو شغالين في مشروع في مصر ؟


⦿ الكود المصري فعلا لما جه يحل مثال عن ال Load Estimation مضربش خالص في قيمة ال Diversity Factor واكتفي فقط بقيمة ال Demand Load وصمم المحولات عليها .


⦿ طيب كنا بنعمل ايه ؟ .. كنا بنطلع من الكود المصري بحسابات تقدير الأحمال اللى هي (Demand Load) وبعدين نشوف شركة الكهرباء التابع لها المشروع بتحدد قيم Diversity Factor كام وأماكن تطبيقها فين ؟ .. يعني هل مثلا نضرب في 0.8 مره واحده عند المحول .. ولا نضرب مره عند المحول ومره عند ال MDB .. ولا نضرب كمان عند الكوفريه أو الموزع ؟! .. كل دى احتمالات كانت وارده واللى كان بيحددها هى شركة الكهرباء التابع لها المشروع .. ده لو هنمشي شغل صح .


⦿ لحد ما ظهر السنه دى 2020 ملف من " جهاز تنظيم مرفق الكهرباء وحماية المستهلك " بينص علي قيم Diversity Factor وأماكن تطبيقها كالتالي :

1. عند كوفريه العماره الرئيسيه = 0.8
2. عند صندوق توزيع الجهد المنخفض ( البيلر ) = 0.8
3. عند محول التوزيع = 0.8
4. عند الموزع ( السويتش جير ) = 0.8
5. عند محطة المحولات في ظل احتياج المشروع لها = 0.8

لتحميل ملف جهاز تنظيم مرفق الكهرباء وحماية المستهلك Egyptian Electric Utility and Consumer protection Regulatory agency :

تعديل المقال