معرض ماك تك، لازم تحدد هدفك من الزيارة هل هتروح للتعرف على أحدث التكنولوجيا ولا هتروح تحضر محاضرات ولا هتشتري معدات أو اكسسوارات ولا هتعمل ايه بالظبط لأنك ممكن تروح والوقت يسرقك ومتعرفش توصل لهدفك
تم تعديل موعد معرض ماكتك هذا العام ليكون من 9 ديسمبر الي 12 ديسمبر 2021
حاول تشتري كتالوج المعرض أو ال CD علشان الداتا الموجودة فيه وبلاش تلم كروت كتيرة أو كتالوجات لأنها هتبقى كتيرة وممكن ترميها في الآخر
لو ناوي تشتري ماكينة أو معدة ممكن الأول تاخد جولة سريعة في المعرض وبعدين تبدأ تستقر على الشركة ال هتشتري منها وبعد كده اتوكل علي الله واشتري لأن المعرض فرصة عظيمة في الخصومات ال الشركات بتقدمها وطبعا في ناس بتفضل انها تيجي المعرض اكتر من يوم علشان ياخد قرار نهائي بالشراء طبعا ده كويس بس خد بالك ان كثرة المعروض ممكن يخليك تتشتت وتمشي من غير ما تشتري فلازم تعمل حسابك انك مش هتاخد كل حاجة ولكن حاول توصل لنسبة معقولة من الرضا عن اتخاذ القرار
لو هتنزل مع جروب أو مجموعة مش لازم ترتبط بيهم لأن غالبا كل واحد له اهتمامات مختلفة فالأفضل أن كل واحد ينطلق مع نفسه وبعد كده تتفقوا على مكان ووقت تتجمعوا فيه
طبعا المعرض السنة دي في قاعة المؤتمرات بمدينة نصر يعني اسهل وسيلة هي المترو - ارض المعارض وتنزل تتمشي شوية
طبعاً المعرض بيحتوي على ٣ معارض كمان تكنولوجيا الهواء المضغوط وأعمال الروافع والسيارات لو حابب تاخد جولة فيهم يبقى زي الفل مش هتخسر حاجة وخاصة أعمال الروافع
تمنياتي للمنظمين والعارضين بالنجاح والتوفيق بإذن الله
تدريبات هندسية
- التدريبات الهندسية لطلاب فرقة تانية كهربا باور
- تدريب الشركة المصرية لنقل الكهرباء بمركز تدريب شبكات ...
- تجربتي مع تدريب innovegypt -وتفاصيل عن البرنامج ...
- تفاصيل عن تدريب مصنع بنها الحربي لعام 2017 -2018
- تعرف علي شركات التدريب الصيفي لطلاب الهندسة الكهربائية ...
- تدريب شركة سيمنز مصر للطلبة 2020/2021 | تدريب صيفي ...
- جميع التدريبات الصيفية المتاحة لطلاب كهرباء ثالثة ورابعة ...