ما هي هندسة ميكاترونكس | مستقبل هندسة الميكاترونيك في مصر

ميكاترونكس قسم صعب وسهل بس محتاج مجهود كبير واعتماد كامل على نفسك بس هو قسم المستقبل عشان بيجمع بين كهرباء و ميكانيكا والكترونيات في المقال هتعرف اكتر عن هندسة الميكاترونيكس ومستقبل هندسة الميكاترونيك في مصر والخارج وتركز علي ايه خلال مدة دراستك بالكلية 

مثال صغير على ان المستقبل لميكاترونكس
العربيات زمان كان ال gearbox بتاعها عباره عن عادي او اتوماتك دلوقتي بقى في نوع في العربيات الجديده Mechatronics gearbox

مثال تاني يخلي ميكاترونك تبقى قسم المستقبل
دلوقتي لو انت صاحب مصنع وعايز تعمل مثلا خط فرز وتوزيع انه الاحسن بالنسبالك انك تجيب مهندس ميكانيكا يعملك الديزين بتاع الخط و بعد كده تجيب مهندس كهرباء عشان يعملك الكنترول بتاع الخط ويشغلهولك ولا تجيب مهندس واحد بس يعملك شغل الاتنين


ومثال تالت
انه الاحسنلك كصاحب مصنع تجيب ١٠٠ عامل عشان يعملولك المنتج بتاعك ولا تجيب مهندس ميكاترونكس يعملك robot arms
تعمل شغل ال ١٠٠ عامل وممكن تضوروا على مصانع bmw وتشوفوا ال robot arms ولو قعدنا نقول اسباب ليه ميكاترونكس قسم المستقبل مش هنخلص

الفرق بين ميكاترونكس و كهرباء وميكانيكا

بتوع كهرباء 

بيشتغلوا في توليد ونقل وتوزيع الكهرباء و بيشتغلوا  في المقاولات في توزيع الكهرباء للمشاريع الكبيرة للمدن الجديدة والفنادق والمستشفيات والمصانع ... الخ , انت كميكاترونكس ملكش دعوه بالكلام ده كله , انت ليك في جزء كهرباء انك تشتغل كنترول و embedded systems

كنترول لازم تكون فاهم كويس في plc و scad و driver و classic و تكون عارف انواع المواتير وامتى تستخدم كل نوع

بالنسبه ل ال embedded فلازم تكون عارف avr و pic و ازاي تصمم دائرة pcb وطبعا تكون فاهم في البرمجه كويس جدا


بالنسبه لميكانيكا 

فالمفروض تكون فاهما زيك زي اي مهندس ميكانيكا وانت كميكاترونكس عباره عن مهندس ميكانيكا معاه شويه كهرباء يخدمواه في شغلك كمهندس ميكانيكا


في غلطه بيقع فيها معظم مهندسين الميكاترونكس انهم بيهتموا بمواد كهرباء اكتر وبيهربوا من مواد ميكانيكا عشان مواد ميكانيكا اصعب من كهرباء وده غلط كبير لانك في الاخر انت مهندس ميكانيكا مش مهندس كهرباء ولما تشتغل هتستغل كميكانيكا فلازم تكون فاهم ميكانيكا كويس جدا

بالنسبه ل المواد المفروض هتدرسوها هنزلكم لينك فيه المواد الهتدرسوها و المحتوى المفروض تاخدوها
طبع المواد بتختلف من كليه لكليه بس معظم المواد واحده

مستقبل هندسة الميكاترونيك في مصر

 ميكاترونكس يعتبر قسم جديد في مصر يعني لحد دلوقتي مفيش دكاترة ميكاترونكس كتير ولو في مش هيكون عندهم خبره كبيره في المجال بعكس باقي الاقسام فبيتطروا يجيبولك دكاتره من ميكانيكا و دكاتره من كهرباء يشرحولكم المنهج

المشكله في ان الدكتور لما بيدخل بيشرحلك جزء كهرباء اكنك كهرباء مش ميكاترونكس يعني ايه ؟ يعني انك انت كميكاترونكس المفروض لما تاخد الجزء الكهرباء لازم تربطه بالميكانيكا وتشوف هتستفيد بيه ايه في شغلك كميكانيكا لاكن بتاع كهرباء بيفهم جزء كهرباء و مش محتاج يعرف ده هيتربط بايه في ميكانيكا وهنا المشكله او ممكن تعتبر ميزة قوية جدا لو ادركت ازاي ان التخصصيين بيكملوا بعض

انك بتتخرج معاك شوية معلومات كهرباء و شويه ميكانيكا لاكن مش عارف تربطهم ببعض فانت كده مبقتش محصل لا مهندس كهرباء ولا ميكانيكا ولا حتى ميكاترونكس لان اهم حاجه في ميكاترونكس ازاي تربط كهرباء بميكانيكا فالحل انك بتعتمد على نفسك اعتماد كلي في المذاكره و في ربط المعلومات وفي كل حاجه


نيجي للشغل فللاسف مفيش شغل ميكاترونكس كتير في مصر لاكن في شركات embedded system بدات تفتح و ممكن تشتغل مندس ميكانيكا لاكن بره مصر مهندس ميكاترونكس مطلوب جدا بس لازم يكون فاهم كويس عشان يقدر ينافس المهندسين البره

ونقطة اضافية انك كونك من اوائل الدفعه فده ليك امتياز في الشغل فيه مصانع بتطلب من مدراء الكليات ترشيخ مهندسين خرجين من عندهم فانت اما تكون من الاوائل ده ميزة , غير انت لو اهتميت بالكنترول بس فده مجال شغل كبير جدا المهم تكون قوي في كله ودايس شويه في مجال معين 

تعديل المقال