ما هي كلية هندسة جامعة المنيا (مواد اعدادي هندسة والاقسام )

مواد اعدادي كلية هندسة جامعة المنيا

مواد الترم الاول
رياضة 1 ( جبر - تفاضل )

• الجبر
• بتاخد المنطق الرياضي وكسور جزيئيةو المتسلسلات والاستنتاج الرياضي ونظريه المعادلات والمصفوفات بس
• وعامة الجبر بيبقي من اسهل الحجات اللي هتمر عليك لأنك مش بتتعمق جامد ف المنهج
• التفاضل
• بيبدأ بالدوال ورسم كل داله وبعد كده استنتاجات كل القوانين اللي مرت عليك ف ثانوي و الاشتقاق النوني ومفكوك تايلور وماكلورين وقاعده لوبيتال وشويه حجات مش صعبه بس اهم حاجه انك تهتم بالتفاضل لأنه اصعب من الجبر ومحتاج تركيز جامد .
• ودكاتره ماده الرياضه د محمد ربيع ، رشا فرغلي ، د محمود حسن وعليه ١٠٠ خط لانه ملتزم جدا بالغياب والحضور والشيت، مادة منتهية ترم اول فقط يتم
• امتحان الفرعين معا من 90 فاينال+اعمال سنة.
• والمجموع الكلي 150

فيزياء 1( خواص الماده - حراريه )
وهي سهله جدا وتقدر تجيب فيها مجموع

• خواص الماده
• وبتتكلم عن الموائع وخواص الماده والموجات
• حرارية
• تتكلم عن الحرارة وخواصها واستخداماتها وكده
• الفرعين تحت مسمي فيزياء 1 مادة منتهيه يتم امتحانها ترم اول ومن 150 .وبتنقسم الي 90فاينل +60 ميدتيرم وحضور
• دكاتره الماده (د محمد عبدالرحمن ، د الشباسي) حراره
• (د رابح ، محمود جمعه) خواص ماده

ميكانيكا(استاتيكا)

• ودي التيرم الاول بس مش هتمتحن فيها هي ممتده بتمتحنها مع الديناميكا التيرم الثاني ف ورقه واحده
• وهتلاقي الكلام متكرر من ثانوي هتلاقي العزوم وتوزيع القوي والجمالونات وتوزيع الاحمال وهي كماده سهله جدا
• دكاتره الماده د محمد جابر ، د رضا الزايط

رسم هندسي

• هترسم اشكال بسيطة تمهيد يعني وبعد كده هتستنتج الثلاث مساقط من الايزومترك بس هو دا اللي هتعمله التيرم الاول و الايزومترك شكل ثلاثي الابعاد .
• يتم دراستها ترم اول وتستمر للترم الثاني ولها امتحان واحد فقط ف نهاية العام من 250 فاينال +اعمال سنة ترمين +فاينال وصفية
• دكاتره الماده د مصطفي كامل ، د وحيد يسري ، د مدحت خشبه ، د محمد عمر موسي

لغة

• مصطلحات هندسية بتاخدها وتاخد معناها بالانجلش وشوية حروف جر
• (محاضرات فقط ومفيش سكاشن ، بتكون ترم اول فقط من 50 درجة و تعامل كنصف مادة وليست كمادة كاملة نتيجتها تظهر الترم الاول)
• دكاتره الماده د ابراهيم فرغل ، د احمد السيد

كيمياء

• حاجات من ثانوي ع توسع زي صدا الحديد والتركيز والمولالي والمولاري والضغط وحاجات جديدة زي الاسمنت والطوب والزجاج والاسمده .
• (ترم اول فقط المادة باعمال السنة من 125)
• دكاتره الماده د رضا ابو بيه ، د ابراهيم ، د ايمان ، د محمود عبدالحليم

التاريخ الهندسي 

• بتاخد فيها يعني ايه هندسه وكلمه هندسه ونشأه الهندسه ف العصور القديمه والوسطي والكلام دا وتطور الهندسه في عصر محمد علي ...
• والماده من 50 درجه تعتبر نصف ماده .
• دكاتره الماده من قسم سيارات
• د المغازي ، د محمد فوزي

ترم ثاني
وصفية

• استنتاج مساقط نقط وخطوط ومستويات ف المستوي ثلاثي الابعاد

رياضيات2 (تكامل - تحليليه )

• تكامل.
• طرق تكامل ثانوي ع بس بتوسع وطرق اكتر والتكامل المحدد والمساحات والحجوم
• هندسة تحليلية.
• اشكال زي الدايرة والمخروط مثلا هتدرسها بس لما تكون ف ثلاثي ابعاد مش ثنائي يعني الدايرة هتاخدها كرة وكده وهتاخد القطاعات وامتحان الفاينل بيبقي كله قطاعات تقريبا والقطاعات زي الايلبس والقطع المكافئ والزائد
• الفرعين تحت مسمي رياضيات 2 مادة منتهية ترم ثاني فقط يتم امتحان الفرعين معا من 150 فاينال+اعمال سنة.

فيزياء 2 ( كهربيه - مغنطيسيه )

• فيزياء كهربية.
• من اسمها هتاخد كهربا الكترونات وشحنات وكده معظمها مسائل
• (دكتورة محمد رابح )
• فيزياء مغناطيسيه.
• وبتاخد فيها المجال المغناطيسي وقاعه لنز وفاراداي ..
• ودرجتها 150 زي التيرم الاول 90 فاينل +60 اعمال سنه

برمجة

• هتدرس تطور الكمبيوتر واجيال التطور وبتاخد بايثون ودي لغه برمجه .
• ودي ماده كامله من 100 بتبقي مكان اللغه والتاريخ الهندسي اللي في التيرم الاول .

ديناميكا

• ودي تكمله الميكانيكا بتمتحنها فورقه واحده مع الاستاتيكا وبتدرس فيها الاحداثيات ذي القطبيه والكارتيزيه والاسطوانيه وبعد كده السرعه المتوسطه والمقذوفات والشغل والطاقه ..
• من 200 درجه ورقه واحده نصها استاتيكا ونصها التاني ديناميكا

تكملة رسم هندسي

• هتكمل وهتاخد ازاي ترسم الايزومترك من مسقطين وبعد كده ازاي تستنتجك المسقط الثالث من مسقطين وهو دا اللي بيبقي ف الامتحان . الترم التاني ده بيبقي رخم بس الامتحان بييجي سهل بس محتاج بقي تشوف فيديوهات وتطبق عليها كتير.

انتاج

• ماده الإنتاج ماده عليها ١٢٥ درجه بتتقسم ٥٠ اعمال سنه و ٧٥ فاينل ، المنهج عن الخراطه ، والسباكه، تشكيل المواد ، المواد الهندسيه . ولازم البالطوا عشان الورش
• ‏دكاتره الماده د احمد حسن ، سامي زين ، د يحيي اسماعيل

الترم الاول تظهر درجة 4 مواد ومن 525( لغة+تاريخ -كيمياء-رياضة 1+فيزيا 1 الباقي مواد مستمرة بتظهر اخر السنة مع المادة اللي بتكملها.

درجة النجاح من نص المجموع الكلي للمادة بشرط تعدي تلت درج الفاينال. يعني لو معدي النص وجايب اقل من تلت درجة الفاينال بتشيل المادة.

درجات الرافة 30 درجة السنة كلها ليك كل مادة حد اقصي 10%من المادة يعني اللغة مثلا من 50 النجاح م 25 جبت اعلي م التلت ف الفاينال بس جايب مجموع ككل 20 يبقي هتعدي رافة لو جبت 19 تشيلها الا لو مخدتش درجات الرافة ف اي مادة تانية ومحتاجها عشان تعدي بتاخد حاجة اسمها رافة للرافة بتكون 1 او 2%زيادة

اقسام كلية هندسة جامعة المنيا

ندخل بقا علي الاقسام فبه اقام عادية وف اقسام كريدت

الاقسام العادية 

1. هندسة القوى الميكانيكيه والطاقه 
2. هندسة الانتاج والتصميم 
3. هندسة السيارات والجرارات 
4. الهندسة الكميائيه 
5.  الهندسه المعمارية 
6. هندسه الكهربيه
7. الهندسة المدنيه
8. هندسة الحاسبات والنظم
9. الهندسة الطبية

الاقسام الكريدت 

1.  بتروكيماويات 
2. الميكاترونيات و الروبتات الصناعيه

قرأ الزوار ايضا:

• ما هي كلية هندسة جامعة السويس (مواد اعدادي هندسة والاقسام )
• ما هي كلية هندسة جامعة بنها (مواد اعدادي هندسة والاقسام )
• ما هي كلية هندسة جامعة الفيوم (مواد اعدادي هندسة والاقسام )
• ما هي كلية هندسة جامعة طنطا
• كلية هندسة جامعة الازهر بنات
• كلية هندسة جامعة أسوان
• كلية هندسة عين شمس
• كلية هندسة جامعة المنيا
• كلية هندسة جامعة بورسعيد
• اقسام كلية الهندسة جامعة الأزهر بالقاهرة
• محاضرات اعدادي هندسة شبرا جامعة بنها
• ما هي كلية هندسة جامعة جنوب الوادى بقنا 
• ما هي كلية هندسة جامعة حلوان 
• أقسام كلية الهندسة جامعة عين شمس
• كل ما تريد معرفته عن هندسة القاهرة مواد اعدادي والاقسام 

تعديل المقال